प्रदीपको ‘रोज’ र पूजाको ‘रामकहानी’, कुन हेर्ने ? पर्दामा प्रदीपको रोज एकसाथ ९५ हलमा
काठमाडौँ : लभरब्वाईका रुपमा चिनिएका अभिनेता प्रदिप खड्कालाई फरक चरित्रमा प्रस्तुत गरिएको चलचित्र ‘रोज’ शुक्रबारबाट एकसाथ ९५ हलमा प्रदर्शनमा आएको छ ।प्रेमकथामा अपराधलाई फ्युजन गरेर निर्माण गरिएको चलचित्रको निर्देशन निरक पौडेलले गरेका छन् । चलचित्र गोपिकृष्ण मूभिज र आरोही फिल्म्सको व्यानरमा निर्माण भएको हो । जसमा अभिनेत्री पूजा शर्मा अभिनीत रामकहानी रहेको छ भने अभिनेता प्रदीप खड्का अभिनीत रोज रहेको छ । चलचित्र रामकहानीलाई सुदर्शन थापाले निर्देशन गरेका हुन् ।
चलचित्रलाई अभिनेत्री पूजा शर्माले निर्माण गरेकी हुन् । हरर कमेडी लभस्टोरीमा बनेको चलचित्र रामकहानीको गीत, ट्रेलरहरुलाई दर्शकले निकै रुचाएका छन् । चलचित्रमा पूजा शर्मा, आकाश श्रेष्ठ, केदार घिमिरे, जितु नेपाल, विल्सन विक्रम राई, राजाराम पौडेल लगायतका कलाकारको मुख्य भूमिका रहेको छ । त्यस्तै आजबाट क्राइम थ्रिलरमा बनेको चलचित्र रोज प्रदर्शनमा आँउदैछ ।
अभिनेता प्रदीप खड्काको मुख्य भूमिका रहेको चलचित्रलाई निरक पौडेलले निर्देशन गरेका हुन् । चलचित्रमा प्रदीपको साथमा परमिता राणा, मिरुना मगर लगायतका कलाकारको मुख्य भूमिका रहेको छ । यस चलचित्रमा प्रदीप बिभिन्न रूपमा प्रस्तुत भएका छन् ।
