प्रधानमन्त्री र राष्ट्रपति मिन्टबीच भेटवार्ता
काठमाडौँ : प्रधानमन्त्री केपी ओली र म्यानमारका राष्ट्रपति विन मिन्टबीच बुधबार साँझ भेटवार्ता भएको छ । बिम्स्टेकको चौथो शिखर सम्मेलनमा भाग लिन आएका राष्ट्रपति मिन्ट र प्रधानमन्त्री ओलीबीच भेटवार्ता भएको हो ।
उनी मंगलबार काठमाडौं उत्रिएका थिए । बुधबार दिउँसो उनले लुम्बिनीको समेत भ्रमण गरेका छन् । यसअघि प्रधानमन्त्री ओलीसंग भुटानको अन्तरिम सरकारका प्रमुख सल्लाहकार ल्योन्पो छिरिङ वाङ्चुकले भेटवार्ता गरेका थिए ।
