BIMSTEC : श्रीलंकाका राष्ट्रपतिलाई बिमान पार्किङ्गमा ‘गार्ड अफ अनर’
काठमाडौँ : औपचारिक रुपमा बिहीबारदेखि सुरु हुने बिमस्टेक सम्मेलनमा भाग लिनका लागि बिभिन्न राष्ट्रका प्रमुखहरु काठमाण्डौ आइपुगेका छन् । सम्मेलनमा सहभागी हुन पछिल्लो समय काठमाडौँ आइपुगेका श्रीलंकाका राष्ट्रपति मैत्रीपाला सिरिसेनाको स्वागतमा नेपाली सेनालाई निकै समस्या भएको छ ।
सेनाको तयारीमा समय लाग्दा उनी काठमाडौँ आइपुगेर पनि झण्डै १ घण्टा बिमानमै बस्नु परेको छ । बाहिर विमानस्थलमा पानी परिरहेकाले उनलाई विमानबाट बाहिर आउन समस्या भएको हो । विमानस्थलमा उनको स्वागतका लागि उपप्रधानमन्त्री तथा रक्षामन्त्री ईश्वर पोखरेलको नेतृत्वमा नेपाली प्रतिनिधिमण्डल पुगे पनि बाहिर पानी परेका कारण निकै समस्या उत्पन्न भएको हो ।
कुनै सिप न लागेपछि ‘गार्ड अफ अनर’ दिने ठाउँ पनि परिवर्तन गर्दै विमानस्थलकै छेउमा रहेको सेनाको बिमानहरु राख्ने पार्किङ्गमा स्वागत गरिएको हो । खुल्ला आकाशमा गार्ड अफ अनर दिने परम्परा भएपनि पानीका करण बिमानस्थलमै रहेको माथी छाप्रो भएको पार्किङ्गमा उनलाई स्वागत गरिएको हो ।
