कञ्चनपुर : सर्वदलीय बैठकद्धारा सन्नीलाई सहिद घोषणा गर्न माग
कञ्चनपुर : कञ्चनपुर स्थित सर्वदलीय बैठकले सन्नी खुनालाई सहिद घोषणा गर्न सरकारलाई आग्रह गरेको छ । शनिबार बसेको सर्वदलीय बैठकले मृतकलाई सहिद घोषणा गर्न र पीडित परिजवारलाई उचित राहत उपलब्धि गराउन स्थानीय, प्रदेश र केन्ऽ सरकारलाई आग्रह गरेको छ ।
१३ वर्षिय बालिका निर्मला पन्तको बलात्कारपछि हत्या गरेको विरोधमा भएको आन्दोलनका क्रममा प्रहरीले गोली चलाउँदा शुक्रबार खुनाको निधन भएको थियो । साथै आन्दोलनका क्रममा घाइते भएकाहरुको निःशुल्क उपचार गर्न र शारीरिक रुपमा अशक्त भएमा जीवन निर्वाहका लागि सचित व्यवस्था गर्न माग गरेको छ ।
आन्दोलनका क्रममा भएको तोडफोड तथा प्रहरीले गोली चलाएको विषयमा निश्पक्ष छानविनका लागि समिति गठन गर्न गृहमन्त्रालयलाई अनुरोध गरेको छ । बैठकले विरोधका कार्यक्रम स्थगित गर्न र शान्ति सुव्यवस्था कायम गर्न राजनीतिक दल, नागरिक समाज लगायत सबैलाई आग्रह गरेको छ ।
कञ्चनपुरको भीमदत्तनगरमा १३ वर्षीया बालिका निर्मला पन्तको हत्याको अनुसन्धानबारे पत्रकारलाई शनिबार जानकारी गराउँदै जिल्ला प्रहरी कार्यालय कञ्चनपुरका प्रमुख प्रहरी उपरीक्षक कुबेर कडायत । तस्बीर : शेरबहादुर सिंह, भीमदत्तनगर, रासस
