मोडलिङ्ग दुनियाँमा भबिष्य खोज्दै नव मोडल सुक्मित घिसिङ्ग
काठमाडौँ : मोडलिङ्ग दुनियाँमा यतिबेला नव कलाकारहरुको रुची बढ्दो रुपमा रहेको छ । यसैबीच सानै उमेरदेखि अभिनय तथा नृत्यमा रुचि राख्ने नब मोडल सुक्मित घिसिङ भविष्यमा एक कुशल चर्चित मोडल तथा नायिका बन्ने सोच लिएर यस क्षेत्रमा प्रवेश गरेकी छिन भने अहिले त्यसै अनुरुप मेहनत समेत गर्दैछिन । मोडलिङ क्षेत्र आफैमा एउटा राम्रो र सम्भाबना बोकेको क्षेत्र हो, जहाँ बाट एउटा कलाकारले राम्रो अवसर पाउने माध्यम हो, अभिनय र नृत्य बिधामा राम्रा सम्भावना बोकेका कलाकारहरुले यसैको माध्यमबाट विभिन्न अवसरहरु पनि पाईरहेको हुन्छन भने देश विदेशको यात्रा गर्दै संसारमा चर्चित हुने अवसर पनि जुटाईरहेका हुन्छन ।
यसै क्रममा मोडलिङ क्षेत्रलाइ ब्यबसायिक रुपमा अगाडी बढाउने सोचका साथ सम्भाबना सहित पछिल्लो समयमा मोडलिङमा प्रवेश गरेकी हुन नब मोडल सुक्मित घिसिङ । काठमाडौँ जन्मथलो भएकी सुक्मितले देश विदेशको यात्रा समेत गरिसकेकी छिन । विभिन्न स्टेज कार्यक्रमहरुमा आफ्नो कुशल अभिनय तथा नृत्य प्रस्तुत गरिसकेकी मोडल सुक्मितको बच्चा देखिकै चाहना भनेको मोडल तथा कलाकार बन्नु थियो ।
नृत्य र अभिनयमा पोख्त सुक्मित सुन्दर मुहार र आकर्षक शरीरको धनि पनि छिन चिटिक्क मिलेको शरीर अनि सुन्दर मुहारनै उनि प्रतिको आकर्षण हो । चाडै नै नेपाली सांगीतिक बजारमा आउन लागेको गायक धुर्ब बिस्कोको गितको म्युजिक भिडियो बाट मोडलिङ क्षेत्र्मा प्रवेश गर्न लागेकी नब मोडल सुक्मित घिसिङ भबिष्यमा यसै क्षेत्रमा आफ्नो आफ्नो करियर बनाउने सोचका साथ् अघि बढिरहेकी छिन ।
