चलचित्र ‘कथा काठमान्डु’को नयाँ गीत सार्वजनिक (भिडियो)
काठमाडौं : चलचित्र ‘कथा काठमान्डु’को नयाँ गीत सार्वजनिक भएको छ । बरिष्ठ कलाकार हरिवंश आचार्यको स्वरमा रहेको ‘धुलोमान्डु’ बोलको गीत सार्वजनिक भएको हो ।
युट्युब मार्फत सार्वजनिक भएको उक्त गीतमा हरिवंशलाई बुलेट फ्लोले साथ दिएका छन् । गीतमा शब्द र सङ्गीत सुरज विक्रम थापा (बुलेट फ्लो)को रहेको छ । यस अघि चलचित्रको दुई गीतहरू सार्वजनिक भइसकेका छन् । यही चलचित्रको सार्वजनिक एक गीत ‘रातको कुरा’ भने निकै विवादित बनेको थियो । यो चलचित्रलाई सङ्गीत श्रेष्ठले निर्देशन गरेकी हुन् ।
चलचित्रमा प्रियंका कार्की, प्रमोद अग्रहरी, आयुष्मान देशराज, संजोग कोइराला, सन्ध्या केसी, प्रेक्षा अधिकारी लगायतका कलाकारको अभिनय रहेको छ ।
चलचित्रमा कथा निर्देशक स्वयंमको रहेको छ । लुजा सिंहको छायाङ्कन रहेको चलचित्रलाई विजय राईले निर्माण गरेका हुन् । चलचित्रमा आउँदो असोज १२ गतेबाट प्रदर्शनमा आउने तयारीमा रहेको छ ।
