भालुवाङमा इलाका प्रहरी कार्यालयको भवन निर्माण
तुलसीपुर : दाङको भालुवाङमा इलाका प्रहरी कार्यालयको भवन निर्माण गरिएको छ ।
बेलायती सहयोग नियोग (डिएफआइडी)को रु दुई करोड ७८ लाख ४९ हजार सहयोगमा उक्त भवन निर्माण भएको हो। सो भवनको प्रदेश नं ५ का प्रहरी प्रमुख प्रहरी नायब महानिरीक्षक शेरबहादुर बस्नेतले मंगलबार उद्घाटन गरेका छन् ।
उक्त भवनमा अपराध अनुसन्धान शाखा,सञ्चार,प्रशासन,बैठक,अतिथि तथा र अधिकृत कक्षसहित महिला, पुरुष र बालबालिकाका लागि छुटाछुटै हिरासत कक्षको व्यवस्था छ । सो भवनमा कार्यालय प्रमुखको आवास, जुनियर प्रहरी अधिकृतको ब्यारेक, प्रहरी जवानको ब्यारेक तथा महिला ब्यारेकसमेत व्यवस्था छ ।
