‘नाईं नभन्नू ल ५’को शिर्ष गित ‘तिम्रो आँखामा आँखा जुधाई’ सार्वजनिक
काठकाडौं : विकास आचार्य निर्देशित सुपरहिट सिरिज ‘नाईं नभन्नू ल ५’ मा समावेश ‘तिम्रो आँखामा आँखा जुधाई’ बोलको गित सार्वजनिक भएको छ । उक्त गीतमा दिनेश थपलियाको शब्द, बसन्त सापकोटाको संगीत रहेको छ भने बहुचर्चित गायिका मेलिना राईको सुमधुर आवाज रहेको छ । संजीव बराइलीको एरेन्ज छ ।
गीतमा स्वस्तिमा खड्का र अभिषेक नेपाललाई देख्न सकिन्छ भने चलचित्रमा अभिनेता दीलिप रायमझी र अभिनेत्री निरुता सिंह, अनुभव रेग्मी, प्रियंका कार्की, सेड्रिना शर्मा, केकी अधिकारी, लगायत कलाकारहरुको अभिनय छ ।
बसन्त सापकोटाको संगीत रहेको ‘नाईं नभन्नू ल ५’ मा पुरुषोत्तम प्रधानको छायाँकन रहेको छ । कोरियोग्राफी कविराज गहतराजले गरेका छन् । फिल्म लेखनमा निर्देशक आचार्य र सामिप्यराज तिमल्सेनाले सहकार्य गरेका छन् ।
कार्यकारी निर्माताको रुपमा दिनेश पोखरेल, पुरुषोत्तम प्रधान र विष्णुमणी दाहाल छन् । यस्तै निर्माताको रुपमा हरिवोल गजुरेल अनि गौरी राज जोशी छन् । चलचित्र भदौ ८ गतेदेखि प्रदर्शन हुदैंछ ।
हेर्नुस गीतको भिडियो :
