माइतीघरको निषेधाज्ञा तोड्दै सरकारविरुद्ध सडकमा कांग्रेस
काठमाडाैं, २० असार : माइतीघर मण्डलामा विरोध प्रदर्शन गर्न नपाउने सरकारको निर्णयविरुद्ध कांग्रेस सडकमा ओर्लिएको छ । नेता प्रदिप पौडेलको नेतृत्वमा बुधबार दिउँसो कांग्रेसले माइतीघर मण्डलाको निषेधाज्ञा तोडेको हो ।
नेता प्रदिप पौडेलले जनताको चौतारीको रुपमा रहेको माइतीघर मण्डलामा लगाइएको निषेधाज्ञा तत्काल खारेज गर्नुपर्ने बताएका छन् ।
शान्तिपूर्ण रुपमा जनताले विरोध गर्न पाउने अधिकारलाई सरकारले खोसेको बताउँदै डा.गोविन्द केसी, गंगामाया अधिकारीले न्याय पाउनुपर्ने र महंगी नियन्त्रणमा दवाव स्वरुप पनि कांग्रेस सडकमा ओर्लिन बाध्य भएको नेता पौडेलले बताए ।
