ट्युनिसियाद्धारा पानामा २–१ ले पराजित
एजेन्सी : समूह ‘एच’ अन्र्तगत अन्तिम चरणको खेलमा ट्युनिसियाले पानामालाई हराएको छ ।
विहीबार भएको खेलमा ट्युनिसियाले पानामालाई २–१ गोलले हराएको हो । दुवै टोली विश्वकपबाट बाहिरिइसकेको छ ।
यासिन मेरिहाको उपहार गोलमार्फत रुसको मोर्डोभिया रंगशालामा पानामाले अग्रता लिएको थियो । पानामाको प्रहार क्लियर गर्ने क्रममा मेरिहाले आफ्नै पोष्टमा गोल गरेका थिए ।
पहिलो हाफमा एक गोलले पछि परेको ट्युनिसियाले दोस्रो हाफमा २ गोल गरेको थियो । ५१औं मिनेटमा बेन युसुफले बराबरी गोल फर्काउँदा ६६औं मिनेटमा वाहवी खाज्रीले विजयी गोल गरेका थिए ।
विश्वकपको नवप्रवेशी टोली पानामा भने तीनै खेलमा पराजित हुन पुग्यो ।
