जापान र सेनेगलको खेल बराबरी
काठमाडौं : रसियामा जारी विश्वकप २०१८ फुटबल अन्तर्गत आइतबारको दोस्रो खेलमा जापान र सेनेगलको खेल बराबरीमा टुंगिएको छ ।
अफ्रिकी टोली सेनेगलका खेलाडी साडियो मानेले खेलको १२ औं मिनेटमा एसियाली टोली जापानमाथि पहिलो गोल गरेको थिए ।
यस्तै खेलको ३४ औं मिनेटमा जापानका खेलाडी ताकासी इन्युले सेलेगलविरुद्ध पहिलो गोल गर्दै बराबरी बनाएका थिए ।
त्यस्तै दोस्रो हाफको खेलको ७१ औं मिनेटमा सेनेगलका खेलाडी मौसा वाग्उले गोल गर्दै एसियाली टोली जापानमाथि दोब्बर अग्रता दिलाएका थिए ।
तर, त्यसको ८ मिनेटपछि जापानका खेलाडी केइसुके होन्डाले सेनेगलविरुद्ध दोस्रो गोल गर्दै बराबरी बनाएका हुन् ।
अघिल्लो खेलमा समूह ‘एच’ को जापानले कोलम्बियामाथि जित दर्ता गरेको थियो भने सेनेगलले पोल्यान्डलाई पराजित गरेको थियो ।
