लागुऔषधको रोकथाम गर्ने उद्देश्यले ८० हजार बोट गाँजा र ७०० लिटर घरेलु मदिरा नष्ट
काठमाडौँ : लागुऔषध सेवन तथा बिक्री वितरण रोकथाम गर्ने उद्देश्यले महानगरीय प्रहरी प्रभाग साँखुले २०० रोपनी जग्गामा उम्रेको ८० हजार बोट गाँजा नष्ट गरेका छन् ।
प्रभागकी कार्यालय प्रमुख प्रहरी निरीक्षक लक्ष्मी पाण्डे खनालको नेतृत्वमा खटिएको ९७ जनाको प्रहरी टोलीले कागेश्वरी मनोहरा नगरपालिका– १ गागलफेदी र शंखरापुर नगरपालिका १, २ र ३ को नाङ्लेभारे तथा बोझिनीमा पर्ने बारी एवं सार्वजनिक जग्गामा उम्रेको गाँजा नष्ट गरिएको हो ।
बरामद भएको ७०० लिटर अवैध घरेलु मदिरा र मदिरा बनाउन प्रयोग हुने कच्चापदार्थ (मर्चा) ३० किलोग्राम शंखरापुर नगरपालिकाका नौ वटै वडा अध्यक्षको रोहवरमा नष्ट गरिएको प्रहरी निरीक्षक खनालले राससलाई जानकारी दिएका छन् ।
