चिनियाँ समकक्षी ली खछ्याङसंग प्रधानमन्त्री ओलीको भेटवार्ता
काठमाडौँ : प्रधानमन्त्री केपी शर्मा ओली र चिनियाँ समकक्षी ली खछ्याङबीच ग्रेट हल अफ द पिपुलमा भेटवार्ता भएको छ । दुई मुलुकका प्रधानमन्त्रीहरुले नेतृत्व गरेको प्रतिनिधिमण्डलस्तरीय वार्तामा रेलमार्ग निर्माणलगायतका १० क्षेत्रमा सम्झौता भएको छ ।
सम्झौतामा द्विपक्षीय सहयोग आदानप्रदान गर्ने विषयमा सम्झौता भएको हो। यस्तै, थप चार विषयमा नेपाली र चिनियाँ पक्षबीच ‘लेटर अफ एक्सचेन्ज’ भएको पनि बताइएको छ।
तिब्बतको राजमार्ग उपयोग, ऊर्जा सहयोग, आर्थिक तथा प्राविधिक सहयोग, मानव संसाधनको विकास जस्ता विषयमा दुई मुलुकबीच सझमदारी कायम भएको छ।
