यस्तो लक्षण देखिए बच्चामा हुनसक्छ ब्लड क्यान्सर : थाहा पाउने तरिका के-के छ ?
एजेन्सी : क्यान्सर यस्तो भयावह रोग हो, जो अत्यान्तै पीडादायी मात्र हुँदैन, कतिपय अवस्थामा उपचार नुहन समेत सक्छ । क्यान्सर लागेपछि त्यसको उपचार महंगो छ । अर्को कुरा, क्यान्सर लागेको मानिसहरुले त्यसबेला मात्र भेउ पाउँछन्, जतिबेला उपचार ढिला भइसकेको हुन्छ ।
क्यान्सर वंशानुगत रुपमा पुस्ताहरुमा सर्दै आउँछ । यद्यपी अनियमित रहनसहन, गलत खानपानले पनि यो रोगलाई निम्त्याउँछ । अहिले साना बालबालिकामा समेत क्यान्सर देखिन थालेको छ ।
बच्चाहरुलाई हुने क्यान्सरमा धेरैजसो ब्लड क्यान्सर देखिएको छ । अप्ठ्यारो चाहि के छ भने, बच्चालाई यो रोग लागेको सहजै थाहा हुँदैन । सामान्यत क्यान्सर जब कुनै अंगमा फैलिन्छ, तब मात्र त्यसबारे थाहा पाउन सकिन्छ । बच्चामा हुने ब्लड क्यान्सर वा ल्यूकीमिया तिब्र रुपमा बढिरहेको छ ।
कसरी थाहा पाउने :
बच्चामा ल्यूकीमिया अर्थात ब्लड क्यान्सर लाग्ने संभावना छ भनेर कसरी थाहा पाउने त रु किनभने यसको लक्षण सामान्य हुनेगर्छ, जसलाई हामी गंभिरतापूर्वक लिदैनौ । यद्यपी निम्न कुराहरुबाट बच्चामा यो रोगको भय छ भन्ने कुरा थाहा पाउन सकिन्छ ।
- पटक-पटक एकै किसिमको संक्रमण हुनु
- धेरै तिब्र ज्वरो आउनु
- बच्चाको रोग प्रतिरोधात्मक क्षमता कमजोर हुनु
- हरेक समय थकान र कमजोरी महसुष गर्नु
- एनीमिया हुनु
- नाख-गिजा आदिबाट रगत बग्ने समस्या हुनु
- जोर्नीमा दुखाई अनुभव हुनु
- शरीरको विभिन्न भाग सुन्निनु
- शरीरमा ठाउँ ठाउँमा गाँठो हुनु
- कलेजोसम्बन्धि समस्या हुनु
- अक्सर टाउको दुख्नु । वा माइग्रेनको शिकार हुनु
- पक्षघात अर्थात स्ट्रोक हुनु
