नेवि संघका दुई समूहबीच झडप, ३ घाइते, ३ पक्राउ
काठमाडौं, १६ जेठ : राजधानी स्थित त्रिचन्द्र कलेजमा नेपाल विद्यार्थी संघका दुई समूहबीच झडप हुँदा ३ जना सख्त घाइते भएका छन् । दुई समूहबीच खुकुरी तथा रड हानाहान भएको प्रहरीले जनाएको छ ।
झडपपछि प्रहरीले पछ्याउँदै गणेशथानबाट सहदेव नेपाल, सौरभ श्रेष्ठ र अनिल लामालाई हतियार सहित पक्राउ गरेको छ। उनीहरुलाई प्रहरी वृत्त दरवारमार्गमा राखिएको छ।
कलेजमा संगठनका अध्यक्ष नैनसिंह महर र महामन्त्री कुन्दन काफ्ले समूहबीच आन्तरिक विवाद रहेको थियो । यस्तै कौशल दाहाल, अजय गजुरेल र गौरबहादुर रतौले घाइते भएका छन् ।
उनीहरुको ट्रमा सेन्टरमा उपचार भइरहेको छ । कलेजमा पद बाँडफाँटको विषयमा दुई समूहबीच विवाद रहँदै आएको छ ।कौशल दाहाललाई महरले अध्यक्षको मान्यता दिएपछि काफ्ले पक्षका सान्त सिवाकोटी असन्तुष्ट रहँदै आएका थिए ।
