गुडिरहेको उग्रतारा यातायातको बसमा एक्कासी आगलागी, बस पुरै क्षतिग्रस्त
बर्दिया १२ जेष्ठ : गुडिरहेको बसमा अचानक आगो लाग्दा बस पुरै क्षतिग्रस्त भएको छ । आगलागीबाट बस पुरै जलेपनि यात्रु सकुशल छन् । शनिबार बिहान ७ बजेतिर आगो लागेपछि गाडी रोकेर यात्रु बाहिर निकालेको थियो।
काठमाडौबाट डडेल्धुरा जाँदै गरेको उग्रतारा यातायातको बा ४ ख ८४९२ नम्बरको बस पूर्वपश्चिम राजमार्ग अन्तरगत बर्दियाको बासगढी नगरपालिका–३ मा आगो लागेको हो।
आगो नियन्त्रणका लागि कोहलपुरबाट मगाएको दमकल पुग्दा बस पुरै जलिसकेको प्रहरी उपरीक्षक जनकराज भट्टराईले बताए।
कोहलपुरबाट आएको दमकल, बाँसगढी प्रहरी लगायत स्थानीयको सहकार्यमा आगो नियन्त्रणमा आएको बताइएको छ ।टायरको घर्षण धेरै भएकाले आगलागी हुन गएको प्रहरीको भनाइ छ ।
