एक दिवसीय मान्यता पाएपछि नेपालले पहिलो पटक नेदरल्याण्डससँग खेल्ने
काठमाडौं : आउँदो अगस्टमा नेपालले आफ्नो पहिलो एक दिवसीय क्रिकेट खेल्ने भएको छ । नेपालले आउँदो अगस्ट १ र ३ मा नेदरल्याण्डससँग एक दिवसीय क्रिकेट खेल्ने भएको हो ।
साउन १६ र १८ मा हुने खेलको स्थान भने तय भएको छैन । नेपालले एक दिवसीय मान्यता पाएपछि आउँदो साउनमा पहिलो पटक एक दिवसीय खेल खेल्न लागेको हो ।
दुई देशबिच पछिल्लो पटक गएको मार्चमा जिम्बाबेमा विश्वकप छनौट अन्तर्गतको खेलमा आमनेसामने भएका थिए ।नेदरल्याण्डस त्यो खेलमा ४५ रनले हराएको थियो । नेपालले पपुवान्युगिनीलाई हराएर एक दिवसीय मान्यता पाएको हो ।
