नेपाली सेनाले ६ सिट रहेको इक्वेरल हेलिकप्टर भित्र्याउने
काठमाडौँ : नेपाली सेनाले ६ सिट रहेको इक्वेरल हेलिकप्टर भित्र्याउने भएको छ । हेलिकप्टर खरिद सम्बन्धी सम्झौतामा नेपाली सेनाका मेजर जनरल राजेन्द्र क्षेत्रीको नेतृत्वमा रहेको सेनाको टोली र फ्रान्सेली कम्पनी एयरबस बिच पेरिसमा हस्ताक्षर भएको छ ।
करिब ३० करोड मुल्य बराबरको इक्वेरल हेलिकप्टर आउँदो महिना नेपाल ल्याइने छ । यो हेलिकप्टर किन्नका लागि नेपाली सेनाले फ्रान्सेली कम्पनी एयरबससँग गएको दुई वर्षदेखि छलफल गरिरहेको थियो ।
यस्तै सेनाले अरु दुईवटा हेलिकप्टर पनि तयारी गरिरहेको छ । पहिले इक्वेरल हेलिकप्टर नै ल्याउने भनिए पनि अहिले अरु कम्पनीहरुसँग पनि छलफल भइरहेको सैनिक स्रोतले जनाएको छ ।
