पूर्व निर्धारित समयभन्दा करीब दुई घण्टापछि काठमाडौँ आइपुगे प्रधानमन्त्री मोदी
काठमाडौँ : नेपालको दुईदिने राजकीय भ्रमणमा रहनुभएका भारतका प्रधानमन्त्री नरेन्द्र मोदी काठमाडौँ आइपुगेका छन् ।
त्रिभुवन अन्तर्राष्ट्रिय विमानस्थलको अति विशिष्ट कक्षमा परराष्ट्रमन्त्री प्रदीपकुमार ज्ञवालीले मोदीलाई स्वागत गरे । काठमाडौँमा रहँदा भारतीय प्रधानमन्त्री मोदीको उच्चस्तरीय भेटवार्ता हेुने कार्यक्रम रहेको छ भने शनिबार बिहान मुक्तिनाथको दर्शनका लागि जाने कार्यक्रम छ ।
काठमाडौँ महानगरपालिकाले मोदीलाई नागरिक अभिनन्दन गर्नेछ । भारतीय प्रधानमन्त्री मोदी एयर इन्डियाको विशेष विमानबाट धनुषाको जनकपुरका कार्यक्रम सकेर पूर्व निर्धारित समयभन्दा करीब दुई घण्टापछि काठमाडौँ आइपुगेका छन् ।
