गोली हान्ने योजना आफैले बनाएको खुलासा भएपछि आचार्य श्रीनिवास पक्राउ
काठमाण्डौ, वैशाख २४ : हिन्दू धर्मगुरु आचार्य श्रीनिवास पक्राउ परेका छन् । मोरङ प्रहरीको टोलीले श्रीनिवासलाई काठमाडौंबाट पक्राउ गरेको हो ।
आचार्यमाथि चैत २५ गते गोली प्रहार भएको थियो । तर, अनुसन्धानका क्रममा आफैंले योजना बनाएर गोली हान्न लगाएको देखिएपछि आचार्यलाई पक्राउ गरिएको हो ।
गोली प्रहारमा संलग्न भएको अभियोगमा दुई जना पक्राउ परेका थिए । उनीहरुले आचार्य श्रीनिवासले नै योजना बनाएर आफूलाई गोली हान्न लगाएको बयान दिएपछि उनलाई पक्राउ गरिएको हो ।
आचार्यमाथि गत २५ गते गोली हानेर घाइते बनाइएको थियो । विराटनगरको जतुवामा श्रीमद भागवत सप्ताहको तयारी भइरहेका बेला उनीमाथि गोली प्रहार भएको हो ।
