हैदरावादले घरेलु मैदानमा दिल्ली डेयरडेभिल्सलाई ७ विकेटले हरायो
एजेन्सी: हैदरावादले घरेलु मैदानमा दिल्ली डेयरडेभिल्सलाई ७ विकेटले हरायो । खेलमा पहिले ब्याटिङ गरेको दिल्लीले निर्धारित २० ओभरमा ५ विकेट गुमाएर १ सय ६३ रन बनाएको थियो । जवाफमा १ सय ६४ रनको विजय लक्ष्य हैदरावादले १ बल बाँकी छँदा ३ विकेट गुमाएर भेटायो ।
गएरातिका खेलपछि ९ खेलबाट १४ अंक जोडेको सनराईजर्स हैदरावाद अंक तालिकाको शीर्ष स्थानमा छ । एक खेल बढी खेलेको चेन्नाई समान १४ अंकसहित दोस्रो स्थानमा छ । तेस्रो स्थानमा कोलकाता र चौथो स्थानमा पञ्जाब छन् हैदरावादको जितमा अलेक्स हेल्सले ४५, शिखर धवनले ३३, केन वलियम्सनले ३२ र युसुफ पठानले २७ रन योगदान गरे ।
बलिङतर्फ अमित मिश्राले २ र लियाम प्लंकेटले एक विकेट लिए ।
दिल्लीका लागि पृथ्वी शाले सर्वाधिक ६५ र श्रेयर ऐयरले ४४ रन बनाए ।
बलिङतर्फ हैदरावादका राशिद खानले २ र सिद्धार्थ कौलले १ विकेट लिए । चार ओभरमा २३ रन खर्चेर २ विकेट झारेका राशिद प्लेयर अफ दि म्याच भए ।
