नेपाली ब्राण्डको पहिरनमा बलिउड अभिनेत्री करिश्मा र्याम्पमा उत्रिँदै
बलिउड अभिनेत्री करिश्मा कपुरले नेपाली ब्राण्ड ‘पेरी फेसन’ को पहिरनमा र्याम्प वाक गर्ने भएकी छन् । शुक्रबार नयाँ दिल्लीमा हुने ‘एसियन डिजाइनर फेसन विक’ को शोज टपरको रुपमा उनी पेरीका पहिरनमा र्याम्पमा उत्रिने भएकी हुन् ।
फेसन विकको अफिसियल इन्टाग्राम पोष्ट मार्फत उनले यस्तो कुरा बताएकी छन् । फेसन विकको छैंटौ संस्करणमा पेरीकी डिजाइर प्रिया राउतको पहिरनमा आफू प्रस्तुत हुने उनले जनाएकी छन् ।
काठमाडौंको गैरीधारामा पेरीको शोरुम रहेको छ । शोरुम सञ्चालनको आठ महिनाको अवधिमा पेरीले भारतमा हुने फेसन विकमा सहभागिता जनाएको हो ।
आइतबारसम्म चल्ने फेसन शोमा भारतसहितनेपाल, बंगलादेश, भुटान, श्रीलंका र अफगानिस्तान लगायत अन्य एसियाली मुलुकका डिजाइनर सहभागी हुँदैछन् ।
