अस्थायी शिक्षकको परीक्षा तत्काल तोक्न माग
काठमाडौँ : नेपाल शिक्षक महासंघले शिक्षा ऐन (नवौँ संशोधन) बमोजिम अस्थायी शिक्षकको परीक्षा तत्काल तोक्नुपर्ने माग गरेका छन् ।
नेपाल राष्ट्रिय शिक्षक संगठन काठमाडौँ जिल्ला र महानगर समितिले विहिवार आयोजना गरेको सम्मान कार्यक्रममा महासंघका अध्यक्ष बाबुराम थापाले लामो समयदेखिको अस्थायी शिक्षकको समस्या समाधानका लागि विगतमा सरकार र आफूहरूबीच भएको सहमतिको पालना नभएसम्म खबरदारी जारी रहने बताए ।
यही चैत २३ गतेका लागि तोकिएको शिक्षक सेवा आयोत्रगको आन्तरिक परीक्षा शिक्षक र विद्यार्थीको अलग अलग अनशनका कारण शिक्षा मन्त्रालयको आग्रहमा स्थगन भएको थियो । अस्थायी शिक्षकको ७५ प्रतिशतसम्म स्थायी हुने सो परीक्षाले विद्यालयको शिक्षाको गुणस्तर ध्वस्त हुने टिप्पणी उठेपछि मन्त्रालयको नेतृत्व नवौंँ संशोधनलाई तत्काल कार्यान्वयन नगर्ने तयारीमा छ ।
