ट्रिपरले स्कूटरलाई ठक्कर दिँदा दुर्घटना भई २ जनाको मृत्यु
कास्की : बागलुङ राजमार्ग अन्तर्गत हेमजाको तिब्बती क्याम्प नजिकै ट्रिपरले ठक्कर दिँदा दुर्घटना भई स्कूटरमा सवार रहेका दुई जनाको मृत्यु भएको छ ।
हेम्जाबाट पोखराका लागि छुटेको ग १ क २३ ३४ नम्बरको ट्रिपरले मंगलबार साँझ ७ बजे विपरीत दिशाबाट हेम्जा जाँदै गरेको ग १३ प ३६ ३६ नम्बरको स्कूटरलाई ठक्कर दिँदा स्कूटरमा सवार दुई जनाको ज्यान गएको हो ।
दुर्घटनामा घाइते भएका हेम्जाका १८ वर्षीय रोशन केसी र २२ वर्षीय शंकर कुँवरको उपचार क्रममा ज्यान गएको कास्की प्रहरीले जानकारी दिएको छ । केसीको गण्डकी अस्पतालमा र कुँवरको फिस्टेल अस्पतालमा उपचार क्रममा ज्यान गएको हो । चालक अर्जुन भुजेललाई प्रहरीले पक्राउ गरेको छ ।
