आगलागी हुँदा सुनसरीमा १६ घर जलेर नष्ट
काठमाडौं : सुनसरीको कोशी गाउँपालीका ६ श्रीपुरमा आगलागी हुँदा १६ घर जलेर नष्ट भएको छ । आज आइतबार अपराहन्ह १२ः३० बजेको समय स्थानीय जगदीश महात्माको थरेसरबाट आगलागी भएको स्थानीयहरुले जानकारी गराएका छन् ।
आगलागीमा साधुलाल महात्मा सहितका गरी ८ वटा टिनको घर र ८ वटा फुसको भान्सा घर गरी १६ वटा घर जलेर नष्ट भएको छ । आगलागीमा अन्दाजी ३५ लाख बराबरको क्षति भएको जनाइएको छ ।
आगलागीलाई २ घन्टापछि इटहरी,इनरुवा,झुम्का तथा भारतको बिहारबाट आएको दमकल, स्थानीयवासी, नेपाल प्रहरी र सशस्त्र प्रहरीले नियन्त्रण लिएको थियो ।
