विभिन्न ठाउँमा चोरी गरी फरार रहेका गिरोह कारसहित पक्राउ
भक्तपुर : महानगरीय प्रहरी परिसर भक्तपुरको प्रहरी टोलीले विभिन्न ठाउँमा चोरी गर्ने गिरोहलाई पक्राउ गरेको छ ।
पक्राउ पर्नेमा चाँगुनारायण नगरपालिका–६ बस्ने २२ वर्षीय गणेश लामा, २१ वर्षीय लच्छु कार्की, २३ वर्षीय अनिल मगर, २४ वर्षीय सुमन तामाङ र २१ वर्षीय रुपक तामाङ रहेका छन् । प्रहरीले सोमबार भक्तपुर नगरपालिका–१० कमलविनायकबाट बा ७ च ४२ नं कारसहित गिरोहलाई पक्राउ गरेको हो ।
उनीहरुकोसाथबाट नगद रु एक लाख छ हजार २१०, केही विदेशी मुद्रा, सुनको सिक्री एक थान, सुनको औँठी एक थानलगायतका सामग्री बरामद गरी थप अनुसन्धानका लागि इलाका प्रहरी कार्यालय बनेपा काभ्रे पठाइएको छ ।
