सिन्धुपाल्चोकमा यात्रुबाहक बस दुर्घटना, ३ को मृत्यु
काठमाडौँ : सिन्धुपाल्चोकको मेलम्ची नगरपालिकामा यात्रुबाहक बस दुर्घटनाग्रस्त हुँदा ३ को मृत्यु भएको छ ।
काठमाडौं जोरपाटीबाट भोटेनाम्लाङ जाँदै गरेको आमा ह्याल्मो यातायातको बा २ ख ४३२५ नम्बरको यात्रुबाहक बस दुर्घटना भएको र ३ यात्रुको घटनास्थलमै मृत्यु भएको विनोद खनालले जानकारी दिए ।
खनालका अनुसार बस मेलम्ची खानेपानी परियोजनाको सिन्धु अडिट मार्गको तामाखानीबाट सिन्धुखोलामा खसेको हो । दुर्घटनामा १५ यात्रु घाइते भएको र च्यापिएका यात्रुको उद्धार भइरहेको जानकारी दिएका छन् ।
दुर्घटनास्थलमा प्रहरी परिचालित भइ उद्धारको काम भइरहेको उनको भनाइ छ ।
