पुनलाई नै उपराष्ट्रपति बनाउने माओवादीको निर्णय
काठमाडौं : नेकपा माओवादी केन्द्रले उपराष्ट्रपतिमा नन्दकिशोर पुन पासाङलाई नै दोहोर्याउने निर्णय गरेको छ । अब मधेशी दलले पाउने भनिएको संभावना समाप्त भएको छ ।
उपराष्ट्रपति पदमा रहँदा विवादास्पद विषयमा नमुछिएका भन्दै माओवादीले पूर्व जनमुक्ति सेनाका कमान्डरसमेत रहेका पासाङलाई नै पूनः उपराष्ट्रपतिमा निरन्तरता दिने भएका हुन् । त्यसैगरि नेकपा एमालेले पनि राष्ट्रपति विद्यादेवी भण्डारीलाई दोहोर्याउने निर्णय गरेको छ ।
