शंकराचार्य जयेंद्र सरस्वतीको आज तमिलनाडुमा अन्तिम संस्कार (भिडियो)
हिन्दु धर्म अन्तरगत सबै भन्दा ठूला सन्त मानिने शंकराचार्य जयेंद्र सरस्वतीको पार्थिव शरीरलाई आज अन्तिम संस्कार दिइदैछ । ८२ वर्षको उमेरमा उनको हिजो निधन भएको थियो । कांची मठका ६९ औं प्रमुख समेत रहेका शंकराचार्य जयेंद्र सरस्वतीको भारतको तमिलनाडु स्थित कांचीपुरममा बुधवार निधन भएको थियो । अंतिम दर्शनका लागि शंकराचार्यको पार्थिव शरीरलाई कांचीपुरमको मठमा राखिएको छ । लगभग ४/५ घण्टाको महासमाधिको प्रक्रिया पछि उनको अन्तिम संस्कार गरिने छ ।
मोदीद्धारा दुखः ब्यक्त
उनको निधन प्रति भारतको प्रधानमंत्री नरेंद्र मोदीले दुखः ब्यक्त गरेका छन् । उनले ट्वीट गर्दै आचार्य श्री कांची कामकोठी पीठका शंकराचार्य जयेन्द्र सरस्वतीको मृत्युबाट आफू निकै दुखित भएको बताएका छन् । उनको आत्मको चिर शान्तीका लागि समेत प्रार्थना गरेका छन् । त्यस्तै, अभिनेता रजनीकांतले पनि कांची शंकराचार्य जयेन्द्र सरस्वती के निधन प्रति शोक ब्यक्त गरेका छन् । उनले पनि ट्वीट गर्दै शंकराचार्य जयेन्द्र सरस्वतीको मृत्युबाट आफू निकै दुखित भएको बताएका छन् ।
भिडियो सौजन्य : एबिपि न्यूज
