विद्यालयलाई दुई थान कम्प्युटर हस्तान्तरण
तेह्रथुम : तेह्रथुमको फदाप गाउँपालिका–१, सिम्लेका एक समाजसेवीले गाउँको विद्यालयलाई कम्प्युटर प्रदान गरेका छन् । विद्यालयको संस्थापक सदस्यसमेत रहेका फेदाप गाउँपालिका–१, सिम्लेका लक्ष्मीसुन्दर निङ्लेकुले आमा जोगमायाको स्मृतिमा आमा पुस्तकालय स्थापना गर्नुका साथै विद्यालयलाई दुई थान कम्प्युटर हस्तान्तरण गरेका छन् ।
उनले विद्यालयलाई नगद रु ५० हजारसमेत सहयोग गरेका छन् । विद्यालयको शैक्षिक उन्नयनमा सहयोग पु¥याउने उद्देश्यले निङ्लेकुले पुस्तक खरिद गरी पुस्तकालय स्थापना गरिदिएका हुन् । निङ्लेकुले बुबा कृषिप्रसाद र आमा जोगमायाको स्मृतिमा विद्यालयलाई सहयोग गरेको बताए ।
