पेस्तोल लिई स्थानीयलाई त्रसित बनाउँदै हिँड्ने २ पक्राउ
इटहरी : इटहरी स्थित टेम्पो स्टेण्डमा पेस्तोल लिई स्थानीयलाई त्रसित बनाउँदै हिँड्ने २ जना पक्राउ परेका छन् ।उनीहरुलाई गोप्य सूचनाको आधारमा प्रहरीले इटहरी – ५ जनता बस्तीबाट शनिबार साँझ पेस्तोल र एक थान गोलीसहित पक्राउ गरेको हो । पक्राउ पर्नेहरुमा यमबहादुर लिम्बू र रोहन बस्नेत रहेका छन् ।
निजहरूले यसअघि पनि विभिन्न स्थानमा हतियार देखाई स्थानीय बासिन्दाहरुलाई त्रसित गराउनले गरेका थिए । पक्राऊ परेका दुवैजना विरुद्ध हातहतियार तथा खरखजानाअन्तर्गत मुद्दा दर्ता गरिने डिएसपी सञ्जय राउतले बताए । उनका अनुसार माघ २१ गते इटहरीको खनारबाट २ थान गोली र घरेलु हतियार कटुवा पेस्तोलसहित पक्राउ परेका झापाका रत्नबहादुर तामाङलाई गरी हाताहतियार तथा खरखजना मुद्दाअन्तर्गत म्याद थप गरी अनुसन्धान भइरहेको छ ।
