नवनियुक्त प्रधानमन्त्री केपी ओलीले दिए दुई नेतालाई ‘सरप्राइज’ !
काठमाडौं : एमाले अध्यक्ष केपी ओली मुलुकको ४१ औं प्रधानमन्त्री बनि सपथ लिदाँ एमालेका दुई नेताले भने ‘सरप्राइज’ पाएका छन् ।
एमाले सांसद लालबाबु पण्डित र थममाया थापालाई ओलीले आफू प्रधानमन्त्रीमा नियुक्त भएकै दिन मन्त्री बनाएका हुन् । जो की केपी शर्मा ओलीको सपथ ग्रहण समारोहमा सहभागी हुन बिहीबार उनीहरु शीतलनिवास पुगेका थिए तर आफूहरु मन्त्री बन्छौं भन्ने बारे उनीहरुले कल्पना नै गरेका थिएनन् । प्रधानमन्त्रीको सपथ सुरु हुनु केही मिनेटपछि मात्रै थापा र पण्डितले आफूहरु मन्त्री बन्न लागेको खबर थाह पाएका थिए ।
प्रधानमन्त्री ओली आफ्नो सपथलगत्तै सानो आकारको मन्त्रिपरिषद् बनाउने तयारी गरेअनुरुप यसअघि सम्भावित मन्त्रीको नाममा एमाले महासचिव ईश्वर पोखरेल, सचिव प्रदीप ज्ञवाली लगायतको नाम चर्चामा आएपनि उनीहरुलाई छाडेर ओलीले पण्डित र थापालाई मन्त्री बनाएका हुन् ।
