नवनियुक्त प्रधानमन्त्री ओलीद्वारा जनताका नाममा सपथ (भिडियो सहित)
काठमाडौं : नेपालको ४१ औं प्रधानमन्त्रीका रुपमा नियुक्त भएका केपी शर्मा ओलीले राष्ट्रपतिबाट पद तथा गोपनियताको सपथ लिएका छन् ।
नवनियुक्त प्रधानमन्त्री ओलीले राष्ट्रपति कार्यालयमा आयोजित विशेष समारोहमा जनताका नाममा सपथ राष्ट्रपतिबाट लिएका हुन् । सपथ ग्रहण कार्यक्रममा उच्च अधिकारीहरुको उपस्थिति रहेको थियो ।
यसैबीच,प्रधानमन्त्री केपी शर्मा ओलीले तीन सदस्यीय मन्त्रिपरिषद् गठन गरेका छन् । ओलीको सिफारिसमा लालबाबु पण्डित र थममाया थापा मन्त्री बनेका हुन् ।
माओवादी केन्द्रले भने मन्त्री पठाएन । एक नेताका अनुसार पार्टीभित्र छलफल भएको र मन्त्रालय भागवण्डा नटुंगिएकाले मन्त्री नपठाइएको हो । मन्त्रालय भागवण्डाबारे दुई दलबीच आजै साँझ छलफल गर्ने कार्यक्रम रहेको छ ।
