साथीको हत्या गरी फरार भएका कटुवाल पक्राउ
काठमाडौं : काठमाडौको मुलपानीमा आफ्नै साथीको हत्या गरी फरार भएका ब्यक्तिलाई महानगरीय अपराध महाशाखाले पक्राउ गरेको छ । मुलपानी क्रिक्रेट मैदान नजिकै खोटाङको साविक चिसापानी गाविस–९ का ४२ वर्षीय प्रेम खड्का भन्ने राजन कटुवाललाई महानगरीय अपराध महाशाखाको प्रहरीले बुधबार पक्राउ गरेको छ । उनले सिन्धुलीका सानु मगरको हत्या गरेको प्रहरीले जनाएको छ । मगर र खड्काबीच एक महिनादेखि चिनजान भई सँगै काम गर्ने गरेको प्रहरी महाशाखाले बताएको छ ।
मगर र खड्काबीच माघ २३ गते विवाद भएपछि खड्काले चिरपटले हानेर हत्यापछि फरार भएका थिए । फरार खड्कालाई घटनाको भोलिपल्ट महानगरीय अपराध महाशाखाको प्रहरी टोलीले पक्राउ गरी कारवाहीका लागि महानगरीय प्रहरी बृत्त बौद्ध पठाएको जनाएको छ ।
