भयानक दुर्घटनाबाट बाँचिन् मोदीकी श्रीमती जसोदाबेन
भारतका प्रधानमन्त्री नरेन्द्र मोदीकी श्रीमति जसोदाबेन भयानक दुर्घटनाबाट बाँच्न सफल भएकी छिन् । बुधबार राष्ट्रिय राजमार्गमा उक्त दुर्घटना भएको हो ।
पश्चिम राजस्थान राज्यमा बेन सवार कार ट्रकसँग ठोकिदा उनका एकजना आफन्तको मृत्यु भएको बीबीसीले उल्लेख गरेको छ । उनका एक सुरक्षागार्ड र चालक भने समान्य घाइते भएका छन् ।
कारमा उनी सहित सात जना यात्रारत थिए । घटनाको कारण थाहा पाउन प्रहरीले अनुसन्धान गरेको बताएको छ ।
