इलामको दश स्थानमा झोलुंगे पुल निर्माण हुँदै
इलाम : मंगलबारे चालू आवमा १० वटा झोलुंगे पुल निर्माण जिल्ला समन्वय समिति तथा जिल्ला प्राविधिक कार्यालयको सहयोगमा निर्माण हुने झोलुंगे पुलमा इलामकै सुनगाभा विकास संस्था र धरानको टुेल ब्रिज सपोर्ट युनिट टिबीएसयुको प्राविधिक संलग्नता रहेको छ ।
सो पुलका लागि रु तीन करोड ७२ लाख ३७ हजार निकासा भएको छ । सुनगाभाका असिष्टेण्ट सव–इञ्जिनियर रोशन सुब्बाका अनुसार इलामका १० स्थानमा ती पुल बनाउन स्थानीयस्तरमा उपभोक्ता समिति गठन भइसकेका छन् । सव–इञ्जिनियर सुब्बाका अनुसार सूर्योदय र इलाम नगरपालिकामा एक÷एक वटा, सन्दकपुर गाउँपालिकामा तीन वटा, फाकफोकथुम र रोङ गाउँपालिकामा दुई÷दुई वटा तथा माइजोगमाई गाउँपालिकामा एउटा पुल निर्माण हुनेछन् ।
सूर्योदय नपाको गोर्खे र पशुपतिनगर जोड्ने मयुँ खोलामा मयुँघाट झोपु रु ३६ लाख ३४ हजारको लागतमा निर्माण हुनेछ । त्यस्तै इलाम नगरपालिका–३ को साविक पुवामझुवा गाविस वडा नम्बर ३ र ६ जोड्ने सानो पुवाखोलामा भागेटार झोलुंगे पुल रु २३ लाख १८ हजारमा निर्माण हुनेछन् ।
रोङ गाउँपालिकाको साविक इरौँटार गाविस र झापाको शान्तिनगर जोड्ने ठोट्ने टिमाइ खोलामा प्युरे झोपु रु ४५ लाख ७८ हजारमा निर्माण हुने भएको छ । त्यस्तै सन्दकपुर गाउँपालिकाको मावु र माईमझुवा जोड्ने माइखोलामा दुई स्थानमा ९चौडा दोभान झोपु र लिम्बूबारी झोपु० निर्माण हुने भएका छन् । त्यहाँ चौडा दोभानका लागि रु २८ लाख ४८ हजार र लिम्बूबारीका लागि रु २६ लाख ५८ हजार बजेट छुट्टयाइएको छ ।
सन्दकपुर गापाकै साविक जमुना गाविस ३ र मावु गाविस ६ जोड्ने धुँवा खोलामा खुदी झोलुंगे पुल रु ३३ लाख १६ हजारको लागतमा निर्माण हुने भएको हो । यता फाकफोकथुम गाउँपालिकाको फुँएतप्पा र लुम्दे जोड्ने थावा खोलामा रिठ्ठाबोटे झोलुंगे पुल निर्माण हुने भएको छ ।
उक्त पुलका लागि रु ४० लाख ८२ हजार बजेट रहेको छ । त्यसैगरी साविक जोगमाई गाविस वडा नम्बर ६ को बीचमा पर्ने ठोट्ने खोलामा चैतेदोभान झोलुंगे पुल रु ४३ लाख ८४ हजारको लागतमा बन्ने भएको छ ।
रोङ गाउँपालिकाको साविक इरौँटार गाविस ६ र जिर्मले गाविस ९ जोड्ने तेलपानी खोलामा पनि पुल बनेको छ । रु ७१ लाख तीन हजारको लागतमा बन्ने उक्त पुल झोलुंगे नभएर सस्पेन्सन बृज हुने जनाइएको छ । (रासस)
