सडकबाट ८० मिटर तल खसेर बस दुर्घटना, तीन जनाको मृत्यु
दाङ : सल्यानमा भएको बस दुर्घटनामा परि तीन जनाको मृत्यु भएको छ । त्रिवेणी गाउँपालिका वडा नं. ६ स्थित सडक खण्डमा आइतबार दिउँसो भएको बस दुर्घटनामा परि तीन जनाको मृत्यु भएको हो ।
लुमाह प्रहरी प्रमुख डाँगीले तीन जनाको घटनास्थलमै मृत्यु भएको भए पनि उनीहरुको सनाखत भने हुन नसकेको जानकारी दिए । घाइतेहरुको यो खवर तयार पार्दै गर्दा सल्यानको श्रीनगरस्थित विभिन्न मेडिकलहरुमा उपचार भइरहेको प्रहरीले जानकारी दिएको छ ।
घटनामा ३० जना घाईते भएको वडा प्रहरी कार्यालय लुहामका प्रमुख लक्ष्मण डाँगीले सेतोपाटीलाई बताए । रूकुमबाट दाङको तुलसीपुर तर्फ आउँदै गरेको ना ५ ख ५३१ नं. बस आइतबार दिउँसो २ बजेतिर लुहामको बैघारे खोलामा सडकबाट करिब ८० मिटर तल खसेर दुर्घटना भएको थियो ।
बस दुर्घटनाको कारण पत्ता नलागेको जानकारी दिइएको छ । अहिले घाइतेको उद्धारमा लागेको हुँदा दुर्घटनाबारे वृस्तृत जानकारी केही बेरमै प्राप्त हुने प्रहरीले बताएको छ ।
