खुकुरी प्रहार गरी सुत्केरी श्रीमतीको हत्या
झापा : शनिबार राति एक व्यक्तिले आफ्नी श्रीमतीको खुकुरी प्रहार गरी हत्या गरेका छन् । झापाको अर्जुनधारा नगरपालिका–१ निवासी २३ वर्षीय दिनेश गहतराजले आफ्नी १५ दिनकी सुत्केरी श्रीमती लेनिषा लिम्बूको हत्या गरेका हुन् ।
श्रीमतीको हत्यामा संलग्न गहतराजलाई प्रहरीले नियन्त्रणमा लिएको इलाका प्रहरी कार्यालय बिर्तामोडबाट जानकारी प्राप्त भएको छ । यसबारे थप अनुसंधन भइरहेको प्रहरीले जनाएको छ ।
