डिल्लीबजार कारागारबाट काँडेतार काटी कैदी फरार
काठमाडौं : काठमाडौंको डिल्लीबजारमा रहेको डिल्लीबजार कारागारबाट बिहिबार राति काँडेतार काटेर एकजना कैदी फरार भएका छन् । फरार हुनेमा टिकाबहादुर थापा मागर रहेका छन् । उनी ‘टिके डाँका’ नामले पनि चिनिने गरेका छन् ।
प्रहरीका अनुसार कारागारभित्र कैदीको गणना गर्दा गल्ती भएको फाइदा उठाएर उनी भागेका हुन् ।कैदीको गणना हुँदा गल्ती भयो । त्यसैको फाइदा उठाएर ऊ लुकेर बस्यो’, प्रहरी स्रोतले भन्यो, ‘त्यसपछि मौका पाउने वित्तिकै भागेको देखिन्छ ।’
थापा काठमाडौंमा चोरी, लुटपाट र डकैटी सम्बन्धी घटनामा पहिले पनि पटक-पटक पक्राउ परीसकेका छन् ।
