राष्ट्रियसभाबारे मुख्य एजेण्डामा केन्द्रित कांग्रेस केन्द्रीय समितिको बैठक
काठमाडौं : नेपाली कांग्रेसको केन्द्रीय कार्यसमिति बैठक बिहीबार बस्दैछ । प्रदेश तथा प्रतिनिधिसभा निर्वाचनपछि पहिलोपटक कांग्रेस केन्द्रीय कार्यसमिति बैठक बस्न लागेको हो । प्रवक्ता विश्वप्रकाश शर्माले भने राष्ट्रियसभा चुनावको तयारीबारे छलफल सकेर विगतको चुनावको समिक्षा गरिने बताए ।
कांग्रेस केन्द्रीय कार्यालयका मुख्य सचिव कृष्णप्रसाद पौडेलका अनुसार बिहान ११ बजे प्रधानमन्त्री निवास बालुवाटारमा बस्ने बैठकमा राष्ट्रियसभा चुनावको तयारीबारे छलफल हुने छ । प्रदेश र प्रतिनिधिसभा चुनावमा पराजय व्यहोरेलगतै नेताहरुले गम्भीर समिक्षाको आवश्यकता औंल्याउँदै केन्द्रीय समिति र महासमिति बैठक राख्न माग गर्दै आएका थिए ।
