दाङमा माइक्रो बस दुर्घटना, १ जनाको मृत्यु १० घाइते
दाङ : बाक्लो हुस्सुका कारण अनियन्त्रित भई दाङको घोराही तुलसीपुर सडकखण्डको विजौरीमा माइक्रो बस दुर्घटना भएको छ । दुर्घटनामा एकजनाको मृत्यु भएको छ भने १० जना घाइते भएका छन् । ९५२१ नं.को उक्त माइक्रोबस आइतबार बिहान दुर्घटनामा परेको हो ।
माइक्रो बसमा सवार तुलसीपुर–३ श्रीकुला निवासी २२ वर्षीय ज्ञानबहादुर गिरीको उपचारका क्रममा मृत्यु भएको र अन्य १० जना घाइते भएको इलाका प्रहरी कार्यालय तुलसीपुरका प्रहरी नायब उपरीक्षक प्रकाश सापकोटाले जानकारी दिए ।
घाइतेमध्ये चारजना गम्भीर रहेको र उनीहरुलाई बाँके अस्पतालमा पठाइएको र अन्य छजनाको राप्ती अञ्चल अस्पतालमा उपचार भइरहेको प्रहरीले जनाएको छ ।
