रौतहटहुदै काठमाडौँ आउँदै गरेका एक भारतीय पक्राउ
काठमाडौँ : महानगरीय प्रहरी प्रभाग नागढुङ्गाले रु ३२ लाख रकमसहित शुक्रबार एक भारतीयलाई पक्राउ गरेको छ । प्रभागबाट खटिएको टोलीले रौतहटबाट काठमाडौँ आउँदै गरेको ना ७ ख २७७६ नंको गाडीमा आउँदै गरेको अवस्थामा जाँचका क्रममा भारत घर भएका सोनुकुमार चौधरीलाई शुक्रबार अपराह्न उक्त रकमसहित पक्राउ गरेको हो ।
प्रभागका प्रमुख केशव भट्टले स्रोत नखुलेको रकम बरामद गरिएको जानकारी दिए । चौधरीलाई आवश्यक कारबाहीका लागि महानगरीय प्रहरी वृत्त थानकोट पठाइएको छ ।
