पूर्व राजपरिवार विदा मनाउन मध्य तथा सुदुरपश्चिम तिर
काठमाडौं : पूर्व राजा ज्ञानेन्द्रसहित पूर्व राज परिवारका सम्पूर्ण सदस्य केही दिनका लागि केही बेरमै नेपालगञ्जतर्फ प्रस्थान गर्दैछन् । जाडो विदा मनाउने गरी उनीहरु मध्य पश्चिम तथा सुदुर पश्चिमका जिल्लाको भ्रमणमा जान लागेका हुन् । पूर्व राजाको पश्चिम बसाईं झण्डै दुई हप्ताको लागि हुने बताइएको छ । त्यसका लागि उनीहरु आजै ३.४५ बजेको उडानबाट नेपालगञ्जतर्फ प्रस्थान गर्न लागेका हुन् ।
झण्डै दुई हप्ताका लागि परिवारसहित मध्य तथा सुदुर पश्चिम भ्रमणकालागि त्यसतर्फ प्रस्थान गरेका पूर्व राजा ज्ञानेन्द्र नेपालगञ्जस्थित आफ्नै होटलमा बस्ने भएका छन् । हालैमात्र सञ्चालनमा आएको सोल्टी सिबक्रिम होटल एण्ड रिसोर्टलाई पूर्व राजाले आफ्नो नेपालगञ्ज बसाईंको मुकाम बनाउनेछन् । पूर्व राजपरिवारको लगानी रहेको भनिएको ८१ कोठे यो चारतारे होटल ३ वर्षअघिदेखि निर्माण सुरु भएर भर्खरमात्रै सञ्चालमा आएको हो । पूर्व राजाका साथमा पत्नी कोमल, बुहारी हिमानी र छोरी प्रेरणा छन् ।
