बस दुर्घटनामा वडा सदस्य पदमकुमारीको मृत्यु
पोखरा : कास्कीको मादी गाउँपालिका–१० भाचोकमा बस दुर्घटना हुँदा वडा नम्बर ९ का दलित वडा सदस्य पदमकुमारी नेपालीको मृत्यु भएको छ ।
दुर्घटनामा छ जना यात्रु घाइते भएका छन् । उनीहरुको स्थानीय मणिपाल शिक्षण अस्पतालमा उपचार भइरहेको प्रहरीले जनाएको छ ।
पोखराबाट भाचोकतर्फ जाँदै गरेको ना.३ ख ७४३६ नम्बरको बस सडक भास्सिएपछि पल्टेको जिल्ला प्रहरी कार्यालय कास्कीका प्रहरी नायब उपरीक्षक खड्गबहादुर खत्रीले जानकारी दिए । #फाइल तस्विर
