मालपोत कार्यालय सिरहामा बम बिस्फोट, ३ जना घाइते
सिरहा : मालपोत कार्यालय सिरहामा बम बिस्फोट भएको छ । कार्यालयको माथिल्लो कोठामा बम बिस्फोट भएको जिल्ला प्रहरी कार्यालय सिरहाले जनाएको छ ।
बिस्फोटमा परि काम गराउन आएका ३ जना घाइते भएका छन् । बिस्फोटमा परि काम गराउन आएका सिरहा नगरपालिका १२ सारस्वरका राजकुमार पासमान, रोशन पासमान र लेखापढीको काम गर्दै आएका पवन पासमान घाईते भएको छ ।
गम्भिर घाइते पवनलाई थप उपचारको लागि विपि कोइराला स्वास्थ्य विज्ञान प्रतिष्ठान धरान पठाएको छ ।
घाईते भएका छन् । बम बिस्फोटले कार्यालयको झयालका शिशा फुटेको छ । कार्यालय प्रमुख बस्ने कोठाको बाहिरपट्टि राखिएको प्रेसर कुकुर बम बिस्फोट भएको हो ।
सदरमुकामको मुख्य र व्यस्त स्थानमा रहेको मालपोत कार्यालयमा दिनदहाडै बिस्फोट हुदा स्थानीय त्रसित भएको छ । मालपोत कार्यालयको छेउमै प्रजिअ निवास, जिल्ला अदालत, जिल्ला अस्पताल, नेपाल बैंक लिमिटेड लगायतका कार्यालय छन् ।
