प्रवेशपत्र नपाएपछि ढाकामा नेपाली विद्यार्थीले गरिन् आत्महत्या
बंगलादेशको ढाकाको डेन्टल चिकित्सा पढ्दै गरेकी एक नेपाली बिद्यार्थीले आत्महत्या गरेकी छन् । बंगलादेशको ढाकाको पाईनर डेन्टल कलेजमा पड्दै गरेकी नेपाली विद्यार्थी बेनिषा शाहले मंगलबार आत्महत्या गरेकी हुन् । शिक्षक र कलेज प्रसासनको आत्याधिक तनाब सहन नसकेर आत्महत्या गरेको मृतक शाहकी साथीले त्यहाका स्थानीय पत्रकार तथा प्रहरीलाई बयान दिएका छन् ।
कलेज प्रसासनले दोस्रो र्टिमनल परिक्षाका लागि प्रवेश पत्रका दिन अनाकानी गरेका थिए । प्रवेशपत्र पाउने भए तुरन्त रु.२ लाख ब्यवस्था गर्नुपर्ने क्याम्पस प्रशासनले बताएपछि उनी चिन्तित बनेकी थिइन् । शुल्क बुझाउन नसक्दा उनी परिक्षामा समेत सामेल हुन सकेकी थिइनन् ।
बंगलादेशको बक्रा भन्ने स्थानमा आफु बस्दै गरेको होस्टेलमा झुण्डिएर आत्महत्या गरेको अवस्थामा उनको शव फेला परेको हो । बिनीषा पाईनर डेन्टल कलेजको २२ औं ब्याच का बिद्यार्थी हुन् भने उनि तेस्रो बर्षमा अध्यनरत थिइन् ।घटनाबारे अनुसन्धान भइरहेको र उनको शवलाई ढाका मेडीकल कलेजको शवगृहमा राखिएको प्रहरीले जानाएका छन् ।
