नेपालको चुनाव तर चीनको जीत : अन्तराष्ट्रिय मिडिया
काठमाडौं : प्रदेश र प्रतिनिधिसभामा भएको वाम गठवन्धनको चुनावी जितलाई कतिपय अन्तराष्ट्रिय मिडियाले चीनको जितको रुपमा चित्रण गरेका छन् । ती मिडियाले अब बन्ने वाम गठवन्धनको सरकारबाट चिनियाँको वर्चश्व अझै बढ्ने जिकीर गरेका छन् ।
त्यसरी समाचार लेख्नेमा द ईकोनोमिष्ट म्यागजिनले आफ्ना टिप्पणीको शीर्षकनै द म्यागजिन आफ माओ दिएको छ । द न्यूयोर्क टाईम्समा वामपन्थीहरुको विजयलाई छिमेकी चीनसंग निकटस्थहरुको विजयको रुपमा उल्लेख गरिएको छ ।
भारतीय पत्रिका ईण्डीया टुडेले केपि ओलीलाई लामो समयदेखी भारतसंग सम्वन्ध भएको भएपछि पछिल्लो पटक बेईजिङतिर झुकाव राखेको भनि उल्लेख गरेको छ । वासिङटन पोष्टले नेपालको चुनावमा भारत कि चीन विजयी होला भन्ने शीर्षकमा समाचार लेखेको थियो ।
