मर्निङवाक जाँदा दुवईमा एक नेपालीको मृत्यु
युएई । रोजगारीका लागि युएई आएका एक नेपालीको मर्निङवाकका क्रममा ज्यान गएको छ । युएईमा रहेको केएम ट्रेडिङ कम्पनीमा स्टोर इन्चार्जको रुपमा कार्यरत वाङ्ला ५ सिउडेनी अर्घाखाँचीका मेघराज अधिकारीको दुवईमा ज्यान गएको हो ।
गएको मंगलबार दुवईको जबिलाली डिआपी पार्कमा मर्निङवाकमा निस्किएका अधिकारीको शव सडकको छेउमा भेटिएको हो । उच्च रक्तचाप तथा मधुमेहका बिरामी भएकाले उनी दैनिक मर्निङवाक जाने गर्दथे । १६ वर्ष अगाडि उनी युएईमा स्टोर किपरको काममा आएका थिए । सुरुमा आबुधाबीमा कार्यरत अधिकारी २ वर्ष अघि स्टोर इन्चार्जको रुपमा बढुवा भएर दुवई सरुवा भएका थिए ।
मृतकको अव अनुसन्धानका लागि दुवईको अल रशिद अस्पतालमा राखिएको यूएईबाट पत्रकार उमाकान्त पौडेलले बताएका छन् । प्रहरी र अस्पतालको रिपोर्ट आएपछि मात्रै शव नेपाल पठाउन सकिने युएईस्थित नेपाली दूतावासले जनाएको छ । मृतक अधिकारीका श्रीमती र तीन छोरी छन् ।
