संविधानमा हस्ताक्षर नगरेका प्रदीप गिरी सिराहाबाट विजयी
सिरहा : कांग्रेस नेता तथा सिरहा प्रतिनिधिसभा क्षेत्र नम्बर १ का उम्मेदवार प्रदीप गिरी विजयी भएका छन् । वाम गठबन्धनका एमाले उम्मेदवार गंगा प्रसाद यादवलाई पराजित गर्दै गिरी विजयी भएका हुन् ।
गिरीले २३९५१ मत ल्याउँदा उनका निकटतम् प्रतिद्वन्द्वी यादवले २१३७१ मत ल्याए । उनी मधेशीको अधिकारलाई सम्बोधन नगरिएको भन्दै नयाँ संविधान निर्माण भइरहदा त्यसमा हस्ताक्षर गरेका थिएनन् । यस कदमपछि उनी तराई मधेशमा झन लोकप्रिय बनेका थिए ।
