हुम्लामा तारा एयरको विमान दुर्घटना, दुई पाइलटसहित ५ घाइते
काठमाडौं । हुम्लामा तारा एयरको विमान दुर्घटना हुँदा पाइलट सहित ५ जना घाइते भएका छन् । मङ्गलवार बिहान सुर्खेतका लागि उडान भर्ने क्रममा सिमकोट विमानस्थलको धावनमार्गमा अगाडिको टायर पञ्चर भएपछि विमान दुर्घटना भएको हो ।
घाइतेहरूमा पाइलटद्वय वसन्त लामा र अनुप गुरूङ रहेको जिल्ला प्रहरी कार्यालय हुम्लाले जानकारी दिएको छ । अन्य तीन जना चुनाव सकेर फर्किदै गरेका प्रहरी रहेको प्रमुख जिल्ला अधिकारी लक्ष्मीप्रसाद बास्कोटाले बताए ।
घाइतेहरूको हुम्लाकै सिमकोटमा उपचार भइरहेको र उनिहरूको अवस्था सामान्य रहेको प्रमुख जिल्ला अधिकारी बास्कोटाले जानकारी दिए ।
दुर्घटनामा परेको विमानको अगाडिको भागमा क्षति पुगेको छ ।
